«گاۋھار جولى»  قوعامدىق بىرلەستىگى ۇكىمەتتىك ەمەس ۇيىمدارعا ارناپ «ەلەكتروندىق ساتىپ الۋ سالاسىنداعى ساۋاتتىلىقتى ارتتىرۋ» تاقىرىبى بويىنشا  سەمينارلار وتكىزۋدە.  وندا مەملەكەتتىك الەۋمەتتىك قىزمەتتەر پورتالىندا ساپالى جۇمىس ىستەۋ، ەسق، ەلەكتروندىق شوت-فاكتۋرالار جۇرگىزۋ باعىتىندا دارىستەر وقىلۋدا.

ق ر ءدىن ىستەرى جانە ازاماتتىق قوعام مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» اق-نىڭ مەملەكەتتىك گرانتى اياسىندا «باتىس قازاقستان وبلىسىندا «جالعىز تەرەزە» قاعيداتى بويىنشا ۇكىمەتتىك ەمەس ۇيىمدارعا قولداۋ كورسەتۋگە ارنالعان ازاماتتىق ورتالىقتاردى ۇيىمداستىرۋ مەن دامىتۋ» جوباسىن ىسكە اسىرۋدى باستاعان بولاتىن. ياعني اتالمىش بىرلەستىك وبلىس بويىنشا ۇكىمەتتىك ەمەس ۇيىمداردىڭ ازاماتتىق ورتالىعىنىڭ جۇمىسىن اتقارادى.

– كوپتەگەن ۇكىمەتتىك ەمەس ۇيىم مەملەكەتتىك الەۋمەتتىك قىزمەتتەر پورتالىمەن جۇمىس ىستەگەندە قاتەلىكتەر جىبەرىپ جاتادى.  مىسالى، ولار قاجەتتى ءبىر قۇجاتتى قوسپاي قالۋى مۇمكىن نەمەسە ءتيىستى ۇلگىدە جازبايدى. ال پورتالدى مىندەتتى تۇردە ۇستاناتىن ناقتى  ەرەجەلەر بار. ءبىز بۇل سەمينارعا نەگىزىنەن اۋىلدىق جەرلەردەگى ۇەۇ-نى شاقىرۋعا تىرىستىق. ويتكەنى ولار پورتالدا جۇمىس جاساعانمەن، ول جونىندە اقپاراتتارى از. وقىتۋ بارىسىندا ولارعا پورتالدا قالاي ساۋاتتى جۇمىس جاساۋ قاجەتتىگى جونىندە جان-جاقتى اقپارات بەرەتىن بولامىز. سەميناردىڭ ماقساتى دا وسى ۇيىمداردىڭ كاسىبيلىگىن ارتتىرۋ بولدى. ءبىز الداعى ۋاقىتتا ۇەۇ وكىلدەرى پورتالدا ساۋاتتى جۇمىس جاسايتىنىنا سەنەمىز. بۇگىندە وبلىس بويىنشا 655 ۇكىمەتتىك ەمەس ۇيىم بار بولسا، ولاردىڭ 238ء-ى اۋىلداردا جۇمىس جاساۋدا. قىركۇيەك ايىنا قاراي اۋىلدىق جەرلەردەگى ۇەۇ-لار ءۇشىن فورۋم وتكىزۋدى جوسپارلاپ وتىرمىز، – دەيدى  «گاۋھار جولى» قب جەتەكشىسى  گۇلنارا كاسەنوۆا. 

وقىتۋ سەمينارىنا زەلەنوۆ، اقجايىق، جانىبەك، تەرەكتى، سىرىم جانە تاسقالا اۋداندارى مەن اقساي، ورال قالالارىنداعى ۇكىمەتتىك ەمەس ۇيىمداردىڭ مۇشەلەرى قاتىسۋدا.